C.4. Usabelartzako zohikatza itxuraberritzea, eraginak prebenitzea eta sortzea

Leitzaran ibaiaren (BGL) kudeaketa planari Ingurumen, Lurralde Antolamendu, Nekazaritza eta Arrantzako sailburuaren 2010eko abenduaren 23ko Aginduaren bidez eman zitzaion hasierako onarpena.

Gipuzkoako Foru Aldundiak (GFA), plan hori aplikatzeko ardura duen erakundea den aldetik, onartutako mugak berrikusteko eskatu du, Usabelartzan dauden “7140 Trantsizio zohikaztegiak” habitataren ordezkaritzak Natura Sarea espazioaren barruan jaso daitezen.

Usabelartzako zohikaztegiak presio desberdinen pean daude eta presio horiek honako jarduera hauen bitartez zuzendu nahi dira:

Basoko lursailetan sortutako presioak (gerizpea, lehorketa eta abar) zuzentzeko, honakoa proposatu da:

• Alboko lursailek egiten duten presioa murriztea, hezegune hidroturbosoaren bazterretik 25 metroko perimetroan ezabatuz.
• Espezie aloktonoak ezabatzea: bi zohikatz besoz inguratua dagoen Chamaecyparis lawsoniana espeziearen unada.

Jolas erabileraren ondorioz sortutako presioak zuzentzeko, oinezkoen bide bat egokitzea proposatu da. Bide tradizional horri esker, xendazaleen ibilbideak bideratu ahalko dira, ibilbide desberdinak ugaritzea saihestuz.
Basoko pisten ondorioz sortutako presioetarako honakoa proposatu da:

• Zuzenketa hidrologikoa: hezeguneari egindako ekarpen hidrikoak berreskuratzeko: zeharkako drainatzeak egitea pista baten azpian, hezegunearen hidrologiako zatirik baliotsuenean (zohikatz metaketak dituen bakarra) eragiten duten aldaketa nabarmenak saihesteko. Pistaren eta monumentu megalitikoaren arteko zanga aldatzea, dike baten bidez ur lamina bat sortuz. Horrela, kokagune honetako funtzionamendu hidrikoan sortzen duen eragin negatiboa zuzentzen da eta aniztasuna sartzen da, anfibioentzako habitat bat emanez. Pistaren beste aldean dagoen zanga betetzea, aurrekoaren hegoaldean. Tokiko drainatzearen gaineko eragina ere zuzendu nahi du.
• Zuzenketa topografikoa: errekastoa zeharkatuz iparraldeko ibarrean sartzen den pista trazadura ezabatu eta berrezartzeko proposatu da. Era berean, beste edozein ibilgailu gune honetatik ibiltzea saihesten da.

 

Nabarmentzekoa da proiektu honen idazkuntza eta egikaritza LIFE TREMEDAL proiektuaren hautagaitza ebatzi baino lehen bete nahi direla, eta, ondorioz, ekintza horien kostuak ez direla proiektuan sartuko.