O proxecto LIFE+ TREMEDAL rexistrará as temperaturas dos solos turbosos (21/11/2014)

No marco do proxecto LIFE+ TREMEDAL, o equipo da Universidade de Oviedo / Xardín Botánico Atlántico instalou varios termómetros nas Veigas de Liordes e Comeya. Estes termómetros rexistrarán as temperaturas do solo ao longo dos próximos cinco anos, achegando unha información valiosa sobre a ecoloxía particular destes hábitats. Os termómetros das Veigas de Liordes e Comeya únense a unha rede de termómetros xa instalados noutros sete enclaves turbosos da Cordilleira Cantábrica.

A instalación seguiu a metodoloxía do coñecido proxecto GLORIA, destinado á observación dos efectos do cambio climático nos ecosistemas de montaña. Os datos recollidos servirán para entender mellor as particularidades térmicas dos solos encharcados e turbosos, así como para elaborar modelos relativos a procesos ecofisiolóxicos como o control da xerminación. Así mesmo, servirá para comparar cos datos de vexetación obtidos no seguimento que se prevé facer sobre os cercados de exclusión de gando.

Comeya Bajo

Vega de Liordes