Xornadas de conservación e xestión de humidais en Santiago de Compostela

Dentro das accións de divulgación e formación do proxecto LIFE+ TREMEDAL, o Instituto de Biodiversidade Agraria e Desenvolvemento Rural (IBADER) celebrou en Santiago de Compostela unhas xornadas centradas na conservación e xestión de humidais.

O obxectivo destas xornadas é dar a coñecer a importancia dos humidais na conservación da biodiversidade, o seu estado actual, así como a presentación de accións concretas de conservación dirixidas a manter o seu valor ecolóxico.

Participaron diferentes investigadores das universidades de Galicia, xestores de espazos naturais e outros expertos en conservación e xestión de humidais. Ademais de presentar as accións desenvolvidas no proxecto LIFE+ Tremedal, outros dous proxectos LIFE tiveron cabida nestas xornadas, o proxecto LIFE+ Margal-Ulla e o LIFE+ Higro.